លោក ងួន ស្រូយ ប្រគល់ មូលនិធិគាំពារមាតាសម្រាលកូនជូន ស្រី្តសម្រាលកូននៅមណ្ឌលសុខភាព
29-February-2016 | ដោយ មែន កំសត់
កណ្ដាល៖ នៅថ្ងៃទី២៧ ខែកុម្ភៈ ឆ្នាំ២០១៦ លោក ងួន ស្រូយ មេឃុំលំហាច តំណាង ឯកឧត្តម បណ្ឌិត រស់ វណ្ណា ប្រធានក្រុមការងារ គណពង្រឹងមូលដ្ឋានស្រុកអង្គស្នួល និង ជាប្រធាមូលនិធិគាំពារមាតាសម្រាលកូន បានដឹកនាំក្រុមការងារមូលនិធិ ចុះសួរសុខទុក្ខស្ត្រីឆ្លងទន្លេដែលរស់នៅក្នុង ភូមិព្រៃចំការ ឃុំលំហាច ស្រុកអង្គស្នួល ខេត្តកណ្ដាល។
កិច្ចសំណេះសំណាលនាពេលនោះ មានការចូលរួម ពីសមាជិកក្រុមប្រឹក្សាឃុំ មេភូមិ និងយុវជនឃុំភូមិ។
នាឱកាសនោះលោក ងួន ស្រូយ បានធ្វើការសំណេះសំណាល ទៅកាន់លោកស្រី និងក្រុមគ្រួសារដែលសម្រាលកូន ឈ្មោះ ឃុន ជា ជាភរិយា និងប្តីឈ្មោះ យ៉ាន់ សុភៀន សម្រាលបានកូនស្រី ឈ្មោះ យ៉ាន់ មុនីរ័ត្ន កើតថ្ងៃទី ២៥ ខែ កុម្ភៈ ឆ្នាំ២០១៦ នៅមណ្ឌលសុខភាពលំហាច ប្រកបដោយសុវត្ថិភាព ទាំងម្ដាយនិងកូន។
ឆ្លៀតក្នុងឱកាសនោះ ក្រុមការងារបានពាំនាំសំភារៈ និង ថវិកាឧបត្ថម្ភ របស់មូលនិធិ ឯកឧត្តម បណ្ឌិត រស់ វណ្ណា ជូនក្រុមគ្រួសាខាងលើរួមមាន សំភារៈទារក១កញ្ចប់-ថវិកា ៦០,០០០រៀល- អង្ករ២៥គីឡូក្រាម និង សំបុត្រកំណើត១ច្បាប់ ផងដែរ៕
ចំនួនអ្នកទស្សនា
- ថ្ងៃនេះ871
- ម្សិលមិញ8301
- សប្តាហ៍នេះ28651
- ខែនេះ16461
- ឆ្នាំនេះ999681
- សរុប20227127